सध्या लॉकडाउनमुळे सर्व चित्रीकरणही बंद आहे आणि लॉकडाउनच्या आधीच कोरोनाच्या प्रादुर्भावामुळे सर्व शुटिंग बंद करण्याचे आदेश देण्यात आले होते. मात्र ज्या मालिकांचे किंवा रिएलिटी शोचे चित्रीकरण आधीच पूर्ण झाले होते त्या सेटवरील अपडेट्स कलाकार मंडली सोशल मिडीयावर पोस्ट करत आहेत.
नुकतच अभिनेत्री सोनाली कुलकर्णीने युवा डान्सिंग क्वीनच्या सेटवर शुट केलेला व्हिडीओ पोस्ट केला आहे. या व्हिडीओत सोनाली या शोची स्पर्धक गायत्री दातारची नक्कल करताना दिसत आहे. हा मजेशीर व्हिडीओ सध्या इन्स्टाग्रामवर चर्चेत असून त्यावर लाईक्सचा वर्षाव होत आहे. गायत्रीनेही हा व्हिडीओ पाहून त्याच्यावर हसणाऱ्या स्मायली पोस्ट केल्या आहेत. सध्या सोनालीही घरीच आहे, म्हणून सेटवरील आठवणी या निमित्ताने सोशल मिडीयावर पोस्ट करतेय. या व्हिडीओच्या कॅप्शनमध्ये सोनाली म्हणते की, “गायत्री, जमलंय ना मला तुझ्यासारखं ? अर्थात तुझ्या इतका भारी नाच नाहीच जमणार”
युवा डान्सिंग क्वीन या शोच्या टीमची बाँडिग खूप जबरदस्त जुळली आहे. सुत्रसंचालक, स्पर्धक, परिक्षक, कोरिओग्राफर सगळेच मिळून या शोच्या मंचावर धमाल करताना दिसले होते.
शुटिंग बंद असल्याने घरातच बसलेले कलाकार सध्या सोशल मिडीयावरजास्तीत जास्त वेळ घालवताना दिसत आहेत.
