आधीच्या शनू बेबीची वापसी ! पुन्हा दिसणार त्याच ढंगात

By  
on  

सुखी संसारासाठी थोडं तिखट व्हावं लागतं' असं म्हणत सुरु झालेली 'माझ्या नवऱ्याची बायको' ही मालिका रसिकप्रेक्षकांच्या मनावर अक्षरशः राज्य करतेय. आजवर टीआरपीचे नवे उच्चांक या मालिकेने प्रस्थापित केले आहेत. आपल्या नवऱ्यावर मनापासून प्रेम करणारी,'स्वावलंबी' राधिका, राधिकाच्या नव-याला आपल्या तालावर नाचवणारी 'नखरेल' शनाया आणि राधिका -शनायाच्या कचाट्यात सापडलेला 'बिचारा' गुरुनाथ, या तिघांची अफलातून केमिस्ट्री हेच या मालिकेच्या यशाचं गमक आहे.

 

लॉकडाऊनमुळे या आपल्या आवडत्या मालिकेच चित्रीकरण देखील बंद होतं, त्यामुळे प्रेक्षकांना मालिकांचे नवीन भाग पाहायला मिळत नव्हते. पण आता चित्रीकरणाला परवानगी मिळाल्यामुळे सर्व नियम व अटींचं पालन करून आणि संपूर्ण खबरदारी घेऊन जोमाने मालिकांच्या चित्रीकरणालासुरुवात देखील झाली आहे. प्रेक्षकांची आवडती 'माझ्या नवऱ्याची बायको' हि मालिका देखील प्रेक्षकांच्या लवकर भेटीस येईलच, आणि हो  शनाया पण परत येतेय बरंका 

आता शनाया परत येतेय म्हटल्यावर अनेकांच्या भुवया उंचावल्या असतील, ती परत येणार म्हटल्यावर तिच्यासोबत कारस्थानं पण ओघाने येणारच, पणथोडा धीर धरा, १३ जुलै पासून रात्री ८ वा. मालिकेचे नवेकोरे भाग घेऊनयेतोय. थोडी उत्सुकता ताणून धरा भेटूया १३ जुलै नवीन भागांसह....

Recommended

Loading...
Share