सिनेसृष्टीतील हरहुन्नरी कलाकारांमध्ये अभिनेता प्रसाद ओकचं नाव आवर्जुन घ्यावं लागेल. कारण प्रसाद गायन, अभिनय, कविता, लेखन, दिग्दर्शन अशा प्रत्येक क्षेत्रात मुशाफिरी करून आला आहे.
‘बंदिनी’ या मालिकेतील भूमिका असो, ‘अवघाची हा संसार’मधील खलनायकी भूमिका किंवा प्रसादने रंगवलेले प्रभाकर पणशीकर असोत. त्याच्या प्रत्येक भूमिकेची दखल प्रेक्षकांनी घेतली आहे.
त्याने दिग्दर्शित केलेल्या ‘कच्चा लिंबू’ या सिनेमाला राष्ट्रीय पुरस्कारही मिळाला आहे.
प्रसादने 80 हून जास्त मालिकेत अभिनयाची छाप सोडली आहे.
‘ढींका चिका’ या रिअ‍ॅलिटी शोमधून त्याने प्रशिक्षक म्हणूनही काम पाहिलं आहे. ‘रणांगण’, वाडा चिरेबंदी, आभास हा या नाटकातूनही त्याने भूमिका साकारल्या आहेत.
‘भांडा सौख्यभरे’ सारख्या कथाबाह्य कार्यक्रमातून त्याने आपण कशातही कमी नाही हे दाखवून दिलं.
प्रसाद नुकताच विक्रम फडणीस यांच्या 'स्माईल प्लीज' सिनेमात झळकला आहे.
.jpg)
