'स्वराज्यरक्षक संभाजी' मालिकेत कोंडाजीबाबांच्या भूमिकेत स्वतःच्या अभिनयाची छाप पाडणारे अभिनेते आनंद काळे आता थेट हॉलिवूडमध्ये झळकणार आहेत. ‘रिमेम्बर अॅम्निशिया’ असं या हॉलिवूडपटाचं नाव असून हा सिनेमा नोव्हेंबरच्या शेवटच्या आठवड्यात भारतामध्ये प्रदर्शित होणार आहे.
'स्वराज्यरक्षक संभाजी' मालिकेत कोंडाजीबाबांच्या भूमिकेत प्रेक्षकांच्या मनात त्यांनी घर केले. आता थेट आनंद काळे यांच्या अभिनयाची झलक हॉलिवूडमध्ये पाहायला मिळाल्याने आनंद काळे यांचे चाहते नक्कीच आनंदात असतील. परदेशात राहणारा एक डॉक्टर भारतामध्ये येऊन त्यांना कोणत्या अनुभवांना सामोरे जावे लागते, हे या सिनेमाचं कथानक असणारा आहे.
आनंद काळे यांनी ‘रिमेम्बर अॅम्निशिया’ या हॉलिवूडपटात समीर नावाची व्यक्तिरेखा साकारली आहे. त्यामुळे 'स्वराज्यरक्षक संभाजी' मालिकेत कोंडाजीबाबांची भूमिका साकारून आनंद काळे यांनी आता थेट हॉलिवूडपर्यंत मजल मारली आहे.