अफवांना उत्तर देत ऐश्वर्या नारकर यांनी शेअर केला गोपिका बाई आणि अरुणामधील फरक
ऐश्वर्या नारकर यांनी आजवर अनेक भूमिकांमधून आपला ठसा उमटवला आहे. सध्या त्या स्वामिनी मालिकेतून गोपिकाबाईंच्य व्यक्तिरेखेतून प्रेक्षकांच्या भेटीला येत आहेत. याचदरम्यान त्या श्रीमंताघरची सून या मालिकेतील अरुणाची व्यक्तिरेखा साकारत आहेत.
नुकतीच अशी बातमी समोर आली की, अरुणाच्या व्यक्तिरेखेसाठी ऐश्वर्या नारकर स्वामिनी ही मालिका सोडणार आहेत. पण ऐश्वर्या यांनी या वृत्ताचं खंडन केलं आहे. यावेळी शेअर केलेल्या पोस्टमध्ये त्या म्हणतात, ‘ मी अभिनयाचं क्षेत्र निवडलं कारण विविध व्यक्तिरेखा साकारता याव्यात म्हणून. काही दिवसांपुर्वी नवीन माझ्या नवीन मालिकेचा प्रोमो रिलीज झाला आणि अफवाही यायला सुरु झाल्या. अरुणा आणि गोपिकाबाई या दोन वेगवेगळ्या व्यक्तिरेखा आहेत. गोपिकाबाई हे मी आतापर्यंत साकारलेलं सर्वात सशक्त पात्र आहे. तर अरुणा हे साधं सोशिक पात्र आहे. या दोन्हींची तुलना केवळ अशक्य आहे.’ त्यामुळे या दोन्ही भूमिकांबाबत असलेल्या अफवांमध्ये काहीही तथ्य नाही.