'बिग बॉस मराठी 2' च्या घरात सध्या गटबाजीचं राजकारण जोरात सुरु आहे. सध्या असलेल्या १५ स्पर्धकांमध्ये आपापसात ग्रुप पडल्यामुळे बिग बॉसच्या घरात वेगळी चूल मांडण्यात येणार का? हा प्रश्न प्रेक्षकांना पडला आहे.

गेल्या काही दिवसांपासून पराग कान्हेरे आणि नेहा शितोळे यांच्यामध्ये सतत जेवणावरून भांडणं होत असलेली दिसून येत आहेत. त्यामुळे परागने आता मी आमच्या चौघांचं जेवण वेगळं बनवतो असं सांगितलं आहे. आता हि चौघं म्हणजे पराग, रुपाली,वीणा आणि किशोरीताई असल्याची शक्यता आहे.

जेव्हा हे परागने इतर सर्वांना सांगितलं तेव्हा सर्वांनी परागला समजवायचा प्रयत्न केला. परंतु पराग आपल्या म्हणण्यावर ठाम होता. तो निघून जाताच सुरेखाताई कॅमेरासमोर येऊन बिग बॉसला,''या टकल्याला आधी घराबाहेर काढा. हा टकला लयी डेन्जर आहे.'' असं म्हणाल्या.

एकंदरीत झालेल्या या प्रकरणावरुन बिग बॉसच्या घरात दोन चुली निर्माण होणार का, हे येत्या काही दिवसांमध्ये कळून येईल.