इतिहासाच्या पहिल्या सर्जिकल स्ट्राईकची शौर्यगाथा सांगणारा दिग्पाल लांजेकर दिग्दर्शित 'फत्तेशिकस्त' सिनेमा 15 नोव्हेंबर रोजी सर्वत्र प्रदर्शित झाला आहे. 'फत्तेशिकस्त' ला प्रेक्षकांचा उदंड प्रतिसाद लाभला आहे.
'फत्तेशिकस्त' प्रदर्शित होऊन आज तीन दिवस झाले आहेत. तीन दिवसात 'फत्तेशिकस्त'ने बाॅक्स ऑफीसवर 3.5 कोटी कमावले आहेत. शुक्रवारी पहिल्याच दिवशी 'फत्तेशिकस्त' ने 65 लाख रुपयांचा व्यवसाय केला. तर शनिवार-रविवार वीकएन्डच्या दिवशी 'फत्तेशिकस्त'ने अंदाजे 2.5 कोटी रुपये कमावले. त्यामुळे तीन दिवसात 'फत्तेशिकस्त' ने 3.5 कोटींचा व्यवसाय केला आहे.
दिग्पाल लांजेकर दिग्दर्शित 'फत्तेशिकस्त' सिनेमा छत्रपती शिवाजी महाराजांच्या आयुष्यामधील एक शौर्यपर्व या सिनेमातुन प्रेक्षकांना पाहायला मिळणार आहे. या सिनेमात चिन्मय मांडलेकर, मृणाल कुलकर्णी, अंकीत मोहन, मृण्मयी देशपांडे हे कलाकार महत्वपुर्ण भुमिकेत आहे.