करोनाचा फटका देशातील प्रत्येक क्षेत्राला बसला आहे. लोकही घराबाहेर न पडणं पसंत करत आहेत. अशा वेळी घरात बसून कुटुंबियांना आणि आवडत्या छंदाना वेळ देणं जास्त पसंत करत आहेत. सेलिब्रिटीही कुकिंग, वाचन आणि कुटुंबासोबत वेळ घालवताना दिसत आहेत. बोल्ड अॅण्ड ब्युटिफुल अभिनेत्री नेहा महाजन तिचा वेळ सध्या हटके छंदात घालवत आहे.
खुप कमी लोकांना माहिती आहे की नेहा उत्तम अभिनेत्री तर आहेच. याशिवाय उत्तम सतारवादक देखील आहे. सध्या Qurantine मध्ये असल्याने नेहा महाजनच्या अंगी असलेलं एक छुपं कौशल्य समोर आलं आहे. नेहाचे वडील विदुर महाजन हे देखील उत्कृष्ट सतार वादक आहे. नेहाने त्यांच्याकडूनच सतार वादनाचं कौशल्य आत्मसात केलं आहे.
नेहाने यापुर्वीही वडिलांसोबत सार्वजनिक कार्यक्रमात सतार वाजवण्याचा व्हिडियो शेअर केला होता. 'बाबांसोबत सितार वाजवणं म्हणजे वाहत्या नदीत पोहण्याचा आनंद घेण्यासारखं आहे'. अशा शब्दात तिने यावेळी भावना व्यक्त केल्या होत्या.