बिग बॉसच्या घरातील संवेदनशील खेळाडू म्हणून आपण रुपाली भोसलेला ओळखतो. रुपाली सध्या ‘आई कुठं काय करते’ या मालिकेतून प्रेक्षकांच्या भेटीला येते आहे. रुपालीने अलीकडेच बॉयफ्रेंड अंकित मगरेसोबत एक फोटो शेअर केला आहे.
या फोटोचं कारण मात्र खास आहे. रुपाली आणि अंकितच्या नात्याला एक वर्ष पुर्ण झालं. यानिमित्त रुपाली मोठी रोमॅंटिक पोस्ट शेअर करत अंकितवरील प्रेम व्यक्त केलं आहे. खारी बिस्कीट सिनेमातील मी तुला जपणार आहे. या गाण्याच्या ओळी पोस्ट करत तिने आपल्या मनातील भावना व्यक्त केल्या आहेत. याशिवाय एक पोस्ट शेअर केली आहे. यामध्ये ती म्हणते, ‘ हे एक वर्षं आपल्यासाठी खुपच अविस्मरणीय ठरलं. आता आपल्याला एकमेकांसोबत आणखी बरीच वर्षं घालवायची आहेत.’