'रात्रीस खेळ चाले' या मालिकेतील प्रत्येक भूमिका प्रेक्षकांच्या परिचयाची झाली. त्यातील एक भूमिका चांगलीच चर्चेत राहिली. ती भूमिका म्हणजे शेवंता. शेवंताचं बोलणं, चालणं, दिसणं याने सगळ्यांचच लक्ष वेधलं. ही शेवंता म्हणजे अभिनेत्री अपूर्वा नेमळेकर.
अपूर्वा सध्या रंगभूमिवर एका वेगळ्या भूमिकेत प्रेक्षकांना पाहायला मिळतेय. 'इब्लिस' या मराठी नाटकात ती 'जुई' हे पात्र साकारत आहे. या नाटकात वैभव मांगले मुख्य भूमिकेत असून नाटकात राहुल मेहेंदळे, सुनील देव हे कलाकारही महत्त्वाच्या भूमिकेत आहेत.
याच नाटकाच्या निमित्ताने अपूर्वाने एक व्हिडीओ सोशल मिडीया अकाउंटवर पोस्ट केला आहे. मेकअप रुममधील हा व्हिडीओ असून या व्हिडीओत अपूर्वा गाणं गाताना दिसतेय. आपल्या आवडत्या अभिनेत्रीच्या या व्हिडीओला तिची चाहते पसंत करताना दिसत आहेत. सोशल मिडीयावर या व्हिडीओवर लाईक्सचा वर्षाव झालाय.