अक्षयचा आगामी सिनेमा ‘बेल बॉटम’ साठी चाहते खुपच उत्साही होते. आता या सिनेमाचा दमदार ट्रेलर समोर आला आहे. बेल बॉटम’ च्या ट्रेलरमध्ये अक्षयचा अनोखा अंदाज दिसून येत आहे. हा सिनेमा ख-या घटनेवर आधारित असल्याचं ट्रेलरच्या सुरुवातीलाच समजतं. 1984 मध्ये हायजॅक झालेल्या विमानाच्या आसपास ही कथा फिरताना दिसते. या मोहिमेवर भारताच्या हुशार कोडनेम ‘बेल बॉटम’ असलेल्या अधिका-याची नेमणुक केली जाते.
या सुटकेचा थरार या सिनेमात दिसतो आहे. हा सिनेमा 19 ऑगस्टला सिनेमागृहात प्रदर्शित होणार आहे. 1980 काळात घडलेल्या एका ख-या कथानकावर आधारित थ्रीलर पठडीतला बेलबॉटम हा सिनेमा करोना पार्श्वभूमीवर आपलं शूटींग नियोजितरित्या पूर्ण करणारा पहिला सिनेमा ठरला आहे. बरीच आव्हानं पेलत 'बेल बॉटम' हा सिनेमा आता प्रदर्शनासाठी सज्ज होतोय.
