सुपरस्टार अक्षय कुमारचा नवीन सिनेमा ‘मिशन मंगल’ रसिकांच्या पसंतीस उतरत आहे. या सिनेमाच्या फॅनलिस्टमध्ये आता बी टाऊनमधील लोकही दिसत आहेत. निर्माता, दिग्दर्शक करण जोहरने देखील हा सिनेमा पाहिल्यानंतर सोशल मिडियावर कौतुकाचे बोल पोस्ट केले आहेत.
करण म्हणतो, ‘मला ‘मिशन मंगल’ पाहून आनंद झाला. मला अभिमान वाटला. ‘सिनेमा पाहताना माझा माझ्यावर विश्वास नव्हता. हा सिनेमा अत्यंत उत्तम पद्धतीने निर्मित, दिग्दर्शित आहे. मी विद्या बालनचा खुप फॅन आहे. ती एक विश्वास ठेवण्याजोगी अभिनेत्री आहे. या सिनेमाचा जणू ती श्वास बनली आहे. या सिनेमात अभिनेत्रीनी स्वत:च्या कामाचा खास ठसा उमटवला आहे. हा सिनेमा बॉक्स ऑफिसवर स्वत:चा खास ठसा उमटवेल.’ याशिवाय करणने इतर कास्टला देखील शुभेच्छा दिल्या आहेत.
या सिनेमात इस्त्रोच्या मास ऑर्बिटर मिशनला यशस्वी बनवण्यासाठी कष्ट घेणा-या शास्त्रज्ञांची गोष्ट आहे. या सिनेमात अक्षय कुमार, विद्या बालन, सोनाक्षी सिन्हा, निथ्या मेनन, कीर्ति कुल्हारी आणि शर्मन जोशी प्रमुख भूमिकेत आहेत.