अभिनेता इरफान खानच्या निधनाने हिंदी सिनेसृष्टीवर दु:खाचं वातावरण आहे. मात्र ज्या कलाकारांनी इरफानसोबत काम केलय ते अजूनही या दु:खातून सावरले नाहीत. अभिनेत्री दीपिका पदूकोणही त्यापैकीच एक. पिकू या सिनेमाच्या निमित्ताने दीपिका आणि इरफानची मैत्री झाली होती. या सिनेमाच्या निमित्ताने त्यांची चांगली बॉंडिंगही झाली होती. मात्र इरफानच्या निधनानंतर दीपिका त्याच्या आठवणींना उजाळा देत आहे. नुकताच दीपिकाने इऱफानसोबतचा एक फोटोही पोस्ट केला होता. शिवाय आता दीपिकाने एक व्हिडीओ पोस्ट केला आहे.
या व्हिडीओत दीपिका इरफान खानसोबत बॅडमिंटन खेळताना दिसतेय. हा व्हिडीओ पोस्ट करत दीपिका लिहीते की, “कृपया परत ये, इरफान खान.”दीपिकासह इतर कलाकारही इरफानच्या निधनाने दु:खी आहेत. ते देखील सोशल मिडीयाच्या माध्यमातून इरफानसोबतच्या आठवणींना उजाळा देत आहेत.