झी मराठीवरील ‘माझ्या नव-याची बायको’ या मालिकेत शनाया साकारणारी ईशा केसकरचं फॅन फॉलोविंग जबरदस्त आहे. एकांकिकामधून अभिनय क्षेत्रात पदार्पण केलेल्या ईशाने नाटक, सिनेमा आणि मालिकां मध्ये प्रेक्षकांची मनं जिंकली आहेत.
‘मंगलाष्टकं: वन्स मोअर’, ‘वी आर ऑन: होऊन जाऊ द्या’, ‘हॅलो नंदन’, ‘गर्लफ्रेंड’ या सिनेमांमधूनही ती समोर आली आहे. ईशाला प्रसिद्धी मिळाली ती बानूच्या भूमिकेने.
‘जय मल्हार’ या मालिकेत ईशाने साकारलेली बानू तिला प्रसिद्धी देऊन गेले. त्यानंतर ईशाकडे आली ‘शनाया’ची भूमिका.
खरं तर रसिका सुनीलने तिची खास छाप सोडलेल्या या व्यक्तिरेखेला आपलसं करणं आणि प्रेक्षकांच्या मनात खास स्थान निर्माण करणं तितकंसं सोपं नव्हतं.
पण शनाया भूमिकेला स्वत:चा खास टच देऊन ईशाने ती उत्तम साकारली. सोशल मिडियावरही ईशा बरीच अॅक्टीव्ह असते.