सोनी मराठी वाहिनीवर एका नव्या रिअॅलिटी शोचा बिगुल वाजला आहे. 'सिंगिंग स्टार' असं या कार्यक्रमाचं नाव आहे. या कार्यक्रमाचं वैशिष्ट्य म्हणजे या कार्यक्रमात अनेक कलाकार या कार्यक्रमात गाताना दिसणार आहेत. त्यापैकी आणखी एक गायक जोडी समोर येताना दिसते आहे. स्वानंदी टिकेकर आणि रोहीत राऊत या शोमध्ये गाताना दिसतील. स्वानंदीला आई आरती टिकेकर यांच्याकडून गाण्याचा वारसा मिळाला आहे.
या स्पर्धेत तिला सोबत करण्यासाठी गायक रोहीत राऊत असणार आहे. ऋता दुर्गुळे या शोचं सूत्रसंचालन करताना दिसणार आहे. बेला शेंडे, प्रशांत दामले आणि सलील कुलकर्णी हे या शोचं परिक्षण करणार आहेत. हा शो 21 ऑगस्टपासून प्रेक्षकांच्या भेटीला येतो आहे.