'लागिरं झालं जी' या मालिकेने रसिक प्रेक्षकांच्या मनात खास स्थान निर्माण केलं आहे. जेव्हा एखादी मालिका प्रचंड लोकप्रिय होते, तेव्हा त्यातल्या प्रत्येक व्यक्तिरेखेला एक खास ओळख मिळते. या मालिकेत जयडी आणि भैयासाहेब साकारणारी जोडी पूर्वा शिंदे व किरण गायकवाड यांचंसुध्दा तसंच काहीसं झालं आहे. त्यांनासुध्दा या मालिकेतील व्यक्तिरेखांमुळे ओळख मिळालीय.
पूर्वा आणि किरणची लागिरं झालं जी पासूनची दोस्ती आहे. ते एकमेकांचे खुप चांगले मित्र आहेत. नुकतंच या दोघांनी एक रोमॅण्टीक डान्स व्हिडीओ इन्स्टाग्रामवरुन शेअर केला आहे. ह्यात त्यांची केमिस्ट्रीच लय भारी दिसतेय. जरीच्या साडीत...या प्रसिध्द गाण्यावर या जोडीने हा रील व्हिडीओ केला आहे आणि तो तुफान व्हायरल होतोय.
जयडी आणि भैय्या साहेबांच्या रील व्हिडीओवर चाहत्यांनी लाईक्स आणि कॉमेंट्सचा वर्षाव केला आहे.
डान्सिंग क्वीन कार्यक्रमात आपल्या डान्सचे जलवे दाखवल्यानंतर आता पूर्वा चला हवा येऊ द्या कार्यक्रमाच्या लेडीज झिंदाबाद या पर्वात आपल्या कॉमेडीची चुणूक दाखवतेय.
तर किरण गायकवाडची प्रमुख भूमिका असलेली 'देवमाणूस' ही मालिका सध्या रसिकांच्या पसंतीस उतरतेय.
