मस्त थंडीचे दिवस आहेत.आता हळूहळू गुलाबी थंडी ही काही भागांमध्ये कडाक्याच्या थंडीत रुपांतरीत होऊ लागली आहे. अशा थंडीत मस्त अंगावर रजई किंवा गोधडी पांघरुन अंथरुणाला खिळून राहण्यासारखं स्वर्गसुख नाही. पण याच बोच-या थंडीत जर तुम्हाला काम करायचं असेल तर....पडल्या ना कपाळावर आठ्या...पण काम हे काम आहे आणि ते करावंच लागतं. हेच दाखवून देणारा व्हिडीओ मराठी सुपरस्टार स्वप्निल जोशीने शेअर केला आहे.
स्वप्निल जोशीच्या दमदार अभिनयाने समांतर ही मराठी वेबसिरीज प्रचंड गाजली. आता रसिक प्रेक्षकांना या वेबसिरीजच्या दुस-या भागाची कमालीची उत्सुकता लागली आहे. अनलॉकमध्ये 'समांतर -२' च्या चित्रीकरणाला सुरुवात झाल्याचं आपल्या सर्वांनाच माहितीय. कुमार महाजन हे स्वप्निल जोशी साकारत असलेल्या व्यक्तिरेखेवर रसिक मनापासून प्रेम करतायत.
