रिकू राजगुरु स्टारर आणि मकरंद माने दिग्दर्शित 'कागर' या बहुचर्चित सिनेमाचा ट्रेलर नुकताच उलगडला आहे. प्रेमात आणि राजकारणात सगळं काही माफ नसतं! अशी सिनेमाची साजेशी टॅगलाईन देण्यात आलीय.जेव्हा तुम्ही हा ट्रेलर पाहायला सुरुवात करता तेव्हा तुम्हाला लगेचच सैराटची आठवण येईल आणि ते साहजिकच आहे. आर्ची फेम रिंकू राजगुरु आणि सैराटसारखाच नायक. पण इथे कहानी में कुछ ट्विस्ट है. कारण या प्रेमाला राजकीय पार्श्वभूमी लाभलीय त्यामुळे हा सिनेमा नक्की कोणतं वळण घेणार याची आता उत्सुकता लागली आहे.
कॉम१८ स्टुडीओज प्रस्तुत आणि वायाकॉम१८ स्टुडीओज - उदाहरणार्थ निर्मित आणि राष्ट्रीय पुरस्कार विजेता दिग्दर्शक मकरंद माने दिग्दर्शित “कागर” हा चित्रपट येत्या २६ एप्रिलपासून संपूर्ण महाराष्ट्रात प्रदर्शित होणार आहे. रिंकू सैराट नंतर तब्बल 3 वर्षांनी प्रेक्षकांसमोर येतेय. तिने नुकतीच बारावीची परिक्षा दिली. तिच्या परिक्षेममुळेच या सिनेमाचं प्रदर्शन पुढे ढकलण्याचा निर्णय घेण्यात आला होता.
पाहा ट्रेलर :
https://www.facebook.com/KaaGaRTheFilm/videos/644188576022731/
