सुनील बर्वे आणि नंदिता पाटकर यांच्या सूर्या आणि सरिता या व्यक्तिरेखांनी सजलेली 'सहकुटुंब सहपरिवार' ही मालिका अल्पावधितच प्रेक्षकांची लाडकी बनली आहे. दररोज या मालिकेतील उत्कंठावर्धक कथानक प्रेक्षकांना आकर्षित करतंय. चार भाऊ, त्यांच्या पत्नी आणि आई अशा हसत्या-खेळत्या मोरे कुटुंबाला पाहून प्रत्येकाला आपल्या घराचंच प्रतिबिंब यात दिसतंय.
एका सामान्य कुटुंबाची एकमेकांना मायेनं बांधून ठेवणारी सहकुटुंब सहपरिवारची गोष्ट रसिक प्रेक्षकांना खुप भावते. यातील सर्वच व्यक्तिरेखेने प्रेक्षकांच्या मनात स्थान मिळवलंय. ऑनस्क्रीन जितकी छान केमिस्ट्री या कलाकारांमध्ये पाहायला मिळते. तितकीच ऑफस्क्रीन धम्मालसुध्दा हे कलाकार करताना दिसतात. सोशल मिडीयावर याचा सरसकट पुरावाच चाहत्यांना मिळतो.
नुकताच जितेंद्रच्या टाकी ओ टाकी... या सुपरहिट गाण्यावर सरु फेम अभिनेत्री नंदिता पाटकर आणि मामी फेम अभिनेत्री किशोरी आंबिये यांनी धम्माल डान्स केला. दोघींचा हा रील व्हिडीओ सोशल मिडीयावर तुफान व्हायरल होतोय. मालिकेत साडीत वावरणा-याा या दोघी या रील व्हिडीओमध्ये मस्त जीन्स -टॉप अशा स्टायलिश अवतारात अफलातून दिसतायत. त्यांच्या ह्या एकदम कडक व्हिडीओवर चाहते लाईक्सचा वर्षाव करतायत.
मालिकेत सरु आणि मामीचं एकमेकींशी अजिबत पटत नाही. सरुच्या घरात आपली मुलगी नांदतेय हे मामीला सतत खटकतं. म्हणून तिला या कुटुंबापासून तोडून पुन्हा घरी आणण्यासाठी मोरे कुटुंबाला तोडण्याचा डाव मामी सतत आखतेय.
