‘सांग तू आहेस का’ ही मालिका सध्या प्रेक्षकांची लाडकी बनली आहे. या मालिकेतील आत्याची भूमिका साकारणारी अभिनेत्री सुलेखा तळवलकर हिने आपल्या दमदार अभिनयाच्या जोरावर प्रेक्षकांच्या मनात एक वेगळीच छाप सोडलीय. यापूर्वी सुलेखा या माझा होशील ना मालिकेत सईच्या आईची बूमिका साकारत होत्या.
छोट्या पडद्यावरील अनेक मालिकांमध्ये कधी आई तर कधी सासूच्या भूमिकेत अभिनेत्री सुलेखा तळवलकर घराघरात पोहोचली आहे. छोट्या पडद्यावरची ती लोकप्रिय अभिनेत्री आहेय ‘सांग तू आहेस का?’ या मालिकेत आत्याच्या भूमिकेत ती खलनायिका म्हणून प्रेक्षकांच्या समोर आल्या आहेत. पण सध्या सुलेखा तळवलकर नव्हे तर तिच्या मुलीची चर्चा रंगताना दिसून येतेय. यामागचं कारणही तसंच आहे.
अभिनेत्री सुलेखा तळवलकर या दिवंगत सुप्रसिद्ध अभिनेत्री आणि दिग्दर्शिका स्मिता तळवलकर यांची सून आहे. स्मिता तळवलकर यांचा मुलगा अंबर तळवलकर याच्याशी तिने लग्न केलं. या दोघांना मुलगा आर्य आणि मुलगी टिया ही दोन अपत्ये आहेत. सुरेखा तळवलकर हिची मुलगी टिया ही तिच्या इतकीच सुंदर दिसते. तसंच तळवलकर ग्रुप्सचे अनेक ठिकाणी असलेल्या फिटनेस सेंटर्सची जबाबदारी देखील ती चोखपणे सांभाळते. इतकंच काय तर आई सुलेखा तळवलकर हिच्यासोबत वेगवेगळ्या रेसिपी यूट्यूब चॅनलवर शेअर करताना दिसून येतेय.
टियाने नुकतंच एका सौंदर्य स्पर्धेमध्ये सहभाग घेतला आणि या पहिल्याच स्पर्धेत तिने प्रथम स्थानापर्यंत मजल मारली आहे. नुकत्याच झालेल्या ‘मिस दादर’ २०२१ स्पर्धेमध्ये टियाला प्रथम पारितोषिक मिळालं आहे. सौंदर्य स्पर्धा आपल्या मुलीने जिंकल्याचा आनंद आई सुलेखा तळवलकर हिने तिच्या सोशल मीडियावर व्यक्त केलाय. अनेक स्तरातून टियावर कौतुकाचा वर्षाव होतोय.
