मृण्मयी देशपांडे सध्या ‘सा रे ग म पा लिटील चॅम्प्स’ या शो मधून प्रेक्षकांच्या भेटीला आली आहे. या शोमध्ये सुत्रसंचालकाच्या भूमिकेत ती दिसते आहे. मृण्मयी अनेकदा शेती, बागकाम यासंदर्भात पोस्ट शेअर करताना दिसते. काही दिवसांपुर्वीच तिने तण उपसतानाचे फोटोही शेअर केले होते. आताही तिने खास व्हिडियो शेअर केला आहे. या व्हिडियोत ती म्हणते, ‘पाय जमीनीवर असेलच पाहिजेत.. निदान १० मिनिटे तरी :-)
आपण कायमच माती कडे दुर्लक्ष्य करतो..ती पायाला लागू नये म्हणून काय नाही करत.. पण तीला काळी आई उगाच नाही म्हणत... आई तीच असते जी सांभाळून घेते..बरं करते...’ या व्हिडियोत मृण्मयी अनवाणी पायाने चालताना दिसते आहे. मृण्मयीने दिग्दर्शित केलेला मनाचे श्लोक हा सिनेमा लॉकडाऊननंतर शुटिंग पुर्ण करणारा पहिला सिनेमा बनला आहे.
