बिग बॉसच्या घरात कोणते सदस्य येणार आणि काय राडा घालणार याची प्रेक्षक आतुरतेने वाट पहात आहेत. काही दिवसांपूर्वी मराठी बिग बॉसच्या तिसऱ्या सिझन चा प्रोमो प्रदर्शित करण्यात आला. या प्रोमो नंतर आता या शोसाठी अनेक कलाकारांची नावे समोर आली आहेत. या यादीत ‘कारभारी लयभारी’ मध्ये  गंगाची भूमिका साकारणारी अभिनेत्री प्रणित हाटे हीच. प्रणित या शोमध्ये भाग घेणार असल्याच्या चर्चांना उधाण आलं  आहे. 

दरम्यान, एका इंग्रजी वृत्तपत्राला प्रणितने दिलेल्या मुलाखतीनुसार, प्रणितने ती या शोमध्ये सहभागी होत नसल्याचे सांगितले आहे. “सोशल मीडियावर ज्या चर्चा रंगत आहेत त्या केवळ अफवा आहेत, मी ‘बिग बॉस मराठी’ मध्ये सहभागी होणार नाही. या शोचा भाग होऊन प्रेक्षकांचे मनोरंजन करायला मला आवडेल मात्र या शोच्या निर्मात्यांकडून मला कोणत्याही प्रकारची ऑफर आली नाही. मला नाही ठाऊक की प्रेक्षकांना असे का वाटते आहे पण निदान यावेळेस तरी मी या शोचा भाग नसेन एव्हढे नक्की.”

गंगा फेम प्रणित आता या शोमध्ये सहभागी होत नसल्याने तिच्या चाहत्यांचा खुप हिरमोड झाला आहे. डान्सिंग क्विनचं निवेदन आणि कारभारी लय भारी मालिकेतील गंगा साकारल्याने प्रणितचा खुप मोठा चाहता वर्ग निर्माण झाला आहे. तिला बिग बॉसमध्ये पाहण्यासाठी चाहते उत्सुक होते.