'माझी तुझी रेशीमगाठ' ही मालिका अल्पावधितच रसिकांच्या प्रेक्षकांच्या पसंतीस उतरतेय. या मालिकेच्या निमित्ताने अनेक मातब्बर कलाकार एकत्र आले आहेत. यापैकीच नेहा कामत हिच्या शेजारी राहणा-या व परीचा दिवसभर सांभाळ करणा-या बंडू काका आणि काकीचं पात्रं चांगलंच लक्षवेधी ठरतंय. या जोडप्यातील गोड लाघवी आणि मायाळू काकींना तुम्ही याआधीसुध्दा मालिकांमध्ये पाहिलं आहे. काकींची व्यक्तिरेखा साकारणा-या या ज्येष्ठ अभिनेत्रीचं नाव मानसी मगिकर आहे पूर्वाश्रमीच्या त्या विनया तांबे.
मानसी यांना आपण यापूर्वी का रे दुरावा आणि खुलता कळी खुलेना या मालिकांमध्ये महत्त्वपूर्ण भूमिकांमधून पाहिलं आहे. पण त्याआधीसुध्दा दूरदर्शनवर प्रक्षेपित होणा-या गोट्या या मालिकेतील भूमिकेमुळे त्या जास्त ओळखल्या जातात. त्यांच्या माईच्या भूमिकेचं सर्वत्र कौतुक झालं.
