मराठी सिनेविश्वातील साजिरी-गोजिरी अभिनेत्री सायलीने झी मराठीवरील 'काहे दिया परदेस' मालिकेतून अभिनय क्षेत्रात पदार्पण केले होते. या पहिल्याच मालिकेतून अवघ्या महाराष्ट्राचं मन तिने जिंकलं. आता अनेक मराठी सिनेमांमधून भेटीला येणारी सायली छोट्या पडद्यावर शुभमंगल ऑनलाईन या मालिकेतून चाहत्यांची मनं जिंकतेय. या मालिकेत सायली साकारत असलेल्या शर्वरी या भूमिकेचं प्रचंड कौतुक होत आहे.
सायली सोशल मिडीयावर बरीच सक्रीय असते. नानाविविध फोटोशूट आणि रील व्हिडीओंमधून चाहत्यांची मनं जिंकते. नुकतंच सायलीने तिच्या इन्स्चाग्रामवर एक व्हिडीओ शेअर ेकलाय. या व्हिडीओने सर्वांचंच लक्ष वेधून घेतलं आहे. या व्हिडीओत सायली कॅमे-यासमोर धरुन काहीतरी पाहतेय व चर्चासुध्दा करतेय. त्यामुळेच ती डायरेक्टर तर बनली नाही, ना याची चाहत्यांना कमालीची उत्सुकता लागलीय. पण सायली मात्र कॅमे-याचं तंत्र शिकून घेतना दिसतेय.
सायलीला कॅमेरा हॅण्डल करताना पाहून चाहत्यांनी भन्नाट कॉमेट्स करायला सुरुवात केली आहे. काहीजण म्हणतात, इतकी सुंदर डीओपी आम्ही कधीच पाहिली नाही.
