अभिनेत्री श्रृती मराठे सोशल मिडीयावर सतत सक्रीय असते. नानाविविध फोटोशूट आणि रील व्हिडीओंमधून ती चाहत्यांची मनं जिकते. नुकतंच श्रृतीने तिचा एक स्टनिंग फोटो चाहत्यांशी शेअर केला आहे. पण तिच्या या फोटोपेक्षा तिने दिलेलं भन्नाट कॅप्शन सध्या चाहत्यांचं लक्ष वेधून घेतंय.
श्रृतीने या फोटोला अभिनेत्री प्रार्थना बेहरेची बहिण असं कॅप्शन दिलं आहे. त्यामुळे सोशल मिडीयावर हास्यकल्लोळ माजला आहे. खरं तर या फोटोंमुळे दोघींमधलं साम्य हायलाईट होतोय. मेकअप आणि हेअरस्टाईलिंग यामुळे प्रार्थना आणि श्रृती अगदी बहिणीच आहेत, असं वाटतंय. अनेक चाहत्यांनी श्रृतीच्या या धम्माल कॅप्शनला पसंतीची पावती दिली आहे.
अनेकांनी श्रृतीच्या या फोटोवर , अय्या खरंच अगदी सेम टू सेम असं म्हटलंय. तर एकीने कोणीतरी या दोघींना जुळ्या बहिणी म्हणून सिनेमात कास्ट करा अशी भन्नाट कमेंट केलीय.
श्रृतीच्या या प्रार्थना बेहरे लुकवर चाहते फिदा झाले असून आत्तापर्यंत ५२ हजारांहून अदिक लाईक या फोटोला मिळाले आहेत.
