मराठी सिनेविश्वातील सशक्त अभिनेत्री म्हणून आपल्या अभिनयाचा ठसा उमटविणारी स्मिता तांबे हिने चाहत्यांना एक गोड बातमी दिली आहे. स्मिताच्या घरी चिमकल्या पाहुणीचं आगमन झालं आहे. मराठीसोबतच हिंदीतही स्मिता दिमाखात झळकते. अनेक महिन्यांपासून स्मिता मनोरंजनविश्वापासून दूर होती त्याचं कारण हेच होतं, ती आई होणार असल्याने तिने सक्तीची विश्रांती घेतली होती.

 स्मिताच्या डोहाळे जेवणाचा कार्यक्रमसुध्दा दोन महिन्यांपूर्वीच पार पडला होता. तिच्या डोहाळेजेवणाचा व्हिडीओ प्रचंड व्हायरल झाला होता. 2019 च्या जानेवारीमध्ये स्मिताने विरेंद्र द्विदेवीसह लग्न केले. तर आता स्मिताला मुलगी झाल्याचे सांगण्यात येत आहे. तिने आपल्या अधिकृत सोशल मीडिया अकाऊंटवरून काहीही पोस्ट शेअर केली नसली तरीही तिच्या मित्रमैत्रिणींच्या स्टोरीवरून ही गोड बातमी समजली आहे.