येसूबाईंच्या कणखर भूमिकेत झळकलेली अभिनेत्री म्हणजे प्राजक्ता गायकवाड. राणी येसूबाईंच्या व्यक्तिरेखेमुळे अभिनेत्री प्राजक्ता गायकवाड हे नाव महाराष्ट्राच्या घराघरांत पोहचलं. या शिवाय ‘आई माझी काळूबाई’ मालिकेमुळेही प्राजक्ता चर्चेत आली होती. आता प्राजक्ता वेबपदार्पणासाठी सज्ज झाली आहे.
प्राजक्ता ‘डबल गेम’ या वेबसिरीजमधून प्रेक्षकांच्या भेटीला येते आहे. या सिरीजच्या मुहुर्ताचा फोटो तिने नुकताच शेअर केला आहे. या सिरीजमधील तिच्या भूमिकेतील अजून तिने काही शेअर केलेलं नाही. पण तिला एका नव्या अंदाजात पाहण्यासाठी चाहते उत्सुक असतील यात शंका नाही.
