अभिनेता उमेश कामतचा खुप मोठा चाहता वर्ग आहे. त्यात तो छोट्या पडद्यावर आदिराज साकारत अजूनही बरसात आहे या मालिकेतून प्रेक्षकांची मनं जिंकतोय. त्याची आणि मुक्ता बर्वेची जोडी रसिकांना खुप भावतेय. गेले एक दीड वर्ष नाटक सिनेमे बंद असल्याने अनेक मोठ्या कलाकारांनी छोट्या पडद्यावर पुनरागमन केलं.
पण आता हळूहळू अनेक सिनेमांच्या घोषणा होऊ लागल्या आहेत. सिनेसृष्टी पूर्वपदावर येतेय.
अभिनेता उमेश कामत सोशल मिडीयावर सतत सक्रीय असतो. विविध व्हिडीओ शेअर करत चाहत्यांचं मनोरंजन करतो. नुकतंच त्याने त्याची आगामी सिनेमातील व्यक्तिरेखा आणि लुक चाहत्यांशी शेअर केला आहे. अलिबाबा आणि चाळीशीतले चोर असं या आगामी सिनेमाचं नाव आहे. त्यातले हे बीटीएस फोटो आहे.
यापूर्वी याच सिनेमाच्या सेटवरचा अभिनेत्री मधुरा वेलणकरसोबतचा फोटो उमेशने शेअर केला होता. हे दोघंही कॉलेजपासूनचे बेस्टट फ्रेंड आहेत आणि या सिनेमाच्या निमित्ताने एकत्र काम करतायत.
सर्वांनाच उमेशच्या या आगामी सिनेमाची उत्सुकता लागून राहिली आहे.
