यंदा झी मराठीचा उत्सव नात्यांचा म्हणजेच झी मराठी अवॉर्ड्स सोहळा मोठ्या दिमाखात रंगणार आहे. प्रत्येक मालिका आणि त्यातील कलाकारांमध्ये या अवॉर्ड सोहळ्यात बाजी मारण्यासाठी जबरदस्त स्पर्धा रंगलीय. तसंच सर्वच सेलिब्रिटी हा सोहळा रंगतदार करण्यासाठी जय्यत तयारीला लागले आहेत. याच झी मराठी कुटुंबाच्या सोहळ्याच्या निमित्ताने माझी तुझी रेशीमगाठ मालिकेतील परी आणि येऊ कशी तशी मी नांदायलाची स्विटू या दोघींची भेट झाली. या भेटीचा खुपच क्युटवाला व्हिडीओ सोशल मिडीयावर व्हायरल होतोय.
छोटीसी, प्यारीसी ..आयी कोई परी! या सुपरहिट गाण्यावर स्विटू आणि परीचा डान्स व्हिडीओ खुप व्हायरल होतोय, परीला स्विटूने उचलून घेतल्याने हा व्हिडीओ फारच भारी झाला आहे.
यावर्षी नव्या नात्यांच्या बांधू गाठी म्हणत झी मराठीच्या परिवारात अनेक नव्या मालिका आणि कलाकारांचा समावेश झाला आहे. या नवीन कलाकारांनी प्रेक्षकांची मनं जिंकली आहेत. त्यामुळे यंदा त्यांच्यांत पुरस्कार कोण पटकावणार याची उत्सुकता सगळ्यांनाच लागली आहे.
