अभिनेता सिद्धार्थ चांदेकर आणि त्याची पत्नी अभिनेत्री मिताली मयेकर हे सेलिब्रिटी कपल सोशल मीडियावर चांगलेच ऍक्टिव्ह असतात. सोशल मीडियावर फोटोस रिल्स आणि काही मजेशीर व्हिडीओस् ते चाहत्यासोबत शेयर करत असतात आणि त्यांना चाहत्यांचाही उत्तम प्रतिसाद सुद्धा मिळत असतो.
सिद्धार्थच्या वाढदिवसाचं औचित्य साधत हे कपल सध्या लंडन दौऱ्यावर गेलं आहे. लंडन ही दोघांचीही आवडती जागा आहे.
सध्या ते तिकडे हॉलिडेजची मज्जा घेण्यासाठी लंडनला गेले असून तिथे दोघेही धमाल करत आहेत. त्यांच्या या धमाल मजामस्तीचे क्षण ते सोशल मीडियावर त्यांच्या चाहत्यांसोबत शेयर करत आहेत.
सिद्धार्थ आणि मिताली याआधीही लंडनला गेले होते. त्यावेळी सुद्धा त्यांनी काही सुंदर फोटोस् शेअर केले होते. सिद्धार्थ आणि मितालीने त्यांच्या या लंडन वारीचे फोटोस सोशल मीडियावर शेयर केले असून त्यांच्या या फोटो आणि व्हिडिओसवर चाहत्यांनी लाईक्स आणि कमेंट्सचा वर्षाव केला आहे.
सिद्धार्थ आणि मिताली ही चाहत्यांची आवडती जोडी आहे. या दोघांना भेटून नुकतीच पाच वर्षे पूर्ण झाली. त्यानंतर एकमेकांना डेट करत त्यांनी लग्न केले आणि आता ते दोघेही खुश आहेत. सिद्धार्थची मिताली सोबत मज्जा मस्ती करण्याचा अंदाज त्याच्या चाहत्यांना नेहमीच आवडतो.
