अभिनेत्री आणि शिवसेना नेत्या दीपाली सय्यद गेल्या काही दिवसांपासून बऱ्याच चर्चेत आहेत. आणि नुकत्याच शेयर केलेल्या फोटोसमुळे त्या पुन्हा एकदा चर्चेत आल्या आहेत.
शिवसेना नेते आणि पर्यटन मंत्री आदित्य ठाकरे सध्या अयोध्येच्या दौऱ्यावर आहेत. यावेळी त्यांच्यासोबत शिवसेनेचे खासदार संजय राऊत, दीपाली सय्यद आणि इतर अनेक शिवसेना नेतेही आहेत.
दीपाली सय्यद यांनी त्यांच्या या अयोध्या दौऱ्याचे काही फोटोस् आपल्या इंस्टाग्रामवर शेयर केले आहेत. यात दीपाली यांनी अयोध्या घाटावर आरती केल्याचा फोटो देखील आहे. तसंच दीपाली सय्यद यांच्यासह संजय राऊतही अयोध्या दौऱ्यावर आहेत. त्यामुळे त्यांच्या चेष्टा-मस्करीचा एक गोड फोटो देखील दीपाली यांनी शेयर केला आहे.
त्याचबरोबर दीपाली सय्यद यांनी अयोध्येतील साधू-संतांसोबतही फोटो काढले. तसेच शिवसेनेच्या अनेक कार्यकर्त्यांनी दीपाली सय्यद यांच्यासोबत सेल्फीही काढला.
या सर्व फोटोस खाली 'अयोध्या की पावनभूमी.. जय सिया राम' असं कॅप्शन देखील टाकलं आहे. त्यांच्या या फोटोसवर चाहत्यांनी देखील अनेक कमेंट्स केल्या आहेत.
