बिग बॉस मराठी फेम अभिनेत्री सई लोकरूचा आज वाढदिवस. यंदाचा हा वाढदिवस दणक्यात साजरा करण्याचं एक जबरदस्त सरप्राईज सईला मिळालं ते पण बिग बॉस मराठी सीझन २ च्या नेहा शितोळे आणि माधव देवचके ह्या तिच्या खास दोस्तांकडून. माधव आणि नेहा सईचा वाढदिवस साजरा करण्यासाठी मध्यरात्री १२ वाजता केकसह तिच्या घरी पोहचले. ते पाहून सईला आश्चर्याचा धक्काच बसला. दोघांनी सईचा वाढदिवस खुपच स्पेशल केल्याने ती भारावुनच गेली.
बिग बॉस मराठी २ च्या घरात 'अतिथी देवो भव' हा टास्क सुरु होता, तेव्हा सई लोकूर ही पहिल्या पर्वातील स्पर्धक घरात राहायला आली होती. तेव्हा आत्ताच्या स्पर्धकांनी ह्या माजी स्पर्धकांची खुप खातिरदारी केली होती. तेव्हा सई लोकूर आणि नेहा व माधव या सदस्यांची घरात चांगली गट्टी जमली होती.
