अभिनेता सुबोध भावेने प्रॉमिस केल्याप्रमाणे त्याने लहान मुलांसाठी गोष्टींचा खजाना आणला आहे. यामध्ये तो दर गुरुवारी लहान मुलांसाठी गोष्टी सांगणार आहे. ‘सुबोधदादाची गोष्ट’ या शीर्षकाखाली त्याची छोटी वेबसिरीज रिलीज होईल. या सिरीजचा टायटल ट्रॅक सुबोधने नुकतंच शेअर केलं आहे. मानसी कुलकर्णी खासनीसने या गाण्याचं संगीत दिग्दर्शन केलं आहे.
ही पोस्ट शेअर करताना सुबोध म्हणतो, ‘ सुबोध भावे या युट्युब चॅनेल वर रिलीज होणाऱ्या #सुबोध दादा ची गोष्ट या छोटेखानी वेब-सिरीज चं शीर्षकगीत मी आज खास माझ्या छोटया मित्रमैत्रिणींसाठी घेऊन आलोय
तुम्हाला जर हे गाणं आवडलं असेल तर तुम्ही तुमच्या आवाजात मोबाईल वर रेकॉर्ड करून मला पाठवा आणि कदाचित तुमचा व्हिडियो माझ्या एखाद्या एपिसोड च्या टायटल ट्रक मध्ये दिसेल... चला तर मग… तुमचं गाणं पाठवा’. यासोबतच सुबोधने नाताळच्या शुभेच्छाही दिल्या आहेत.