लॉकडाउनच्या या काळात मिळालेल्या या वेळेचा सदुपयोग बहुतांश लोक करत आहेत. नेहमी चित्रीकरणामध्ये व्यस्थ असलेले कलाकारही या काळात या वेळेचा सदुपयोग करत त्यांचे छंद जोपासत आहेत.
‘माझ्या नवऱ्याची बायको’ मालिकेतून गुरुनाथ म्हणून प्रसिद्ध झालेला अभिनेता अभिजीत खांडकेकरलाही कुकिंगची आवड आहे. म्हणूनच सध्या लॉकडाउनच्या काळात घरात बसून अभिजीत विविध कुकिंग प्रयोग करुन पाहतोय. नुकतच त्याने बेकिंगचे प्रयोग केले आहेत. यात त्याने जीरा कुकीजही बनवल्या. ते बनवत असतानाचा व्हिडीओही अभिजीतने पोस्ट केला आहे. शिवाय या पोस्टमध्ये त्याच्या कलाकार मित्रमंडळींना टॅक करुन त्यांनाही कुकिंग चॅलेंज दिलय. अभिनेता अद्वैत दादरकरला त्याने यात टॅग केलं. मग अद्वैतनेही कुकिंग व्हिडीओ केला आणि बनवल्या केळ्याच्या पुऱ्या.
अभिजीत खांडकेकर त्याच्या पोस्टमध्ये घरी राहण्याच आवाहनही करतोय. तो म्हणतो की, “घरीच थांबा. मी थांबलोय घरी, नव्या उत्साहाने करतोय छान काहीतरी.... तुम्हीसुद्धा घरीच थांबा, काळजी घ्या, सुरक्षित राहा. घरबसल्या अशाच काही छान गोष्टी तुम्हीसुद्धा करत असाल तर त्या नक्की Video स्वरूपात तुमच्या फेसबुक किंवा इंस्टाग्राम हँडलवर share करा.”
अशा पद्धतिने अनेक कलाकार या निमित्ताने घरात बसून त्यांचे छंद जोपासत आहेत.