करोनाने सर्वत्र कहर केला आहे. परिस्थिती दिवसेंदिवस काळजी करण्याइतपत गंभीर आहे. त्यामुळे प्रत्येकाने आज घरातच राहणं बंधनकारक आहे. आज सर्वच दैनंदिन कामं ठप्प आहेत फक्त जीवनावश्यक वस्तूंचा पुरवठा तेवढा सुरळीत सुरु आहे.
दरम्यान आपले लाडके सेलिब्रिटीसुध्दा हा वेळ स्वत:च्या कुटुंबियांसोबत घालवत आहे. छंद जोपासत आहेत. काहीतरी नवीन शिकत आहेत. जुन्या आठवणींना उजाळा देत आहेत. पण महागुरुंची लेक आणि एक होतकरु अभिनेत्री श्रिया पिळगावकर हिने घरीच एक घायाळ करणारं जबरदस्त फोटोशूट केलं आहे.
श्रियाने सिंपल पण तितकाच आकर्षक शॉर्ट वनपिस व्हाईट ड्रेस परिधान केल्याचं पाहायला मिळतंय.
घराच्या लिव्हींग रुममध्ये सोफ्यावर बसून श्रियाने हे फोटोशूट केलं आहे. श्रियाच्या या फोटोंवर चाहत्यांनी कॉमेंट्स व लाईक्सचा वर्षाव केला आहे.
अल्पावधितच श्रियाने हिंदी सिनेसृष्टीत आपली ओळख निर्माण केली आहे. 'फॅन'मध्ये शाहरुख खानसोबत स्क्रिन शेअर करुन लक्षवेधी ठरल्यानंतर श्रियाची महत्त्वपूर्ण भूमिका असलेल्या मिर्झापूर वेबसिरीजला रसिकांची चांगलीच पसंती मिळाली
इतकंच नाही तर श्रियाची प्रमुख भूमिका असलेल्या हाऊस अरेस्ट या वेबसिरीजमध्ये पत्रकाराच्या भूमिकेतून श्रिया पुन्हा एकदा भाव खाऊन गेली.
श्रिया दाक्षिणात्या सिनेमात पदार्पण करते व तेसुध्दा दाक्षिणात्य सुपरस्टार राणा डग्गुबतीसह. हाथी मेरे साथी असं या दाक्षिणात्य सिनेमाचं नाव आहे.
