लॉकडाउनमध्ये जुन्या आठवणी, छंद या गोष्टींना आपल्या जवळ आणलय. बहुतांश लोक त्यांचा छंद या निमित्ताने जोपासताना दिसत आहेत. कुणी चित्र काढतय तर कुणी वाद्य शिकतय आणि वाजवतय. मिळालेल्या वेळेचा सदुपयोग करण्यासाठी विविध गोष्टी केल्या जात आहेत.
अभिनेता राकेश बापटही या मिळालेल्या वेळेचा सदुपयोग करतोय. राकेश हा एक उत्तम आर्टीस्ट आहे. त्याने काढलेली चित्र, मुर्त्या या गोष्टी आपण त्याच्या सोशल मिडीया पोस्टच्या माध्यमातून पाहतो. मात्र राकेशला संगीताचीही प्रचंड आवड आहे. राकेश बासुरीही वाजवतो. त्याने नुकतच एक व्हिडीओ पोस्ट केला आहे. या व्हिडीओत राकेश सुरेल बासुरी वाजवताना दिसतोय. एवढच नाही तर या बासुरीवर त्याने वाजवलय एक प्रसिद्ध गाणं. 'लग जा गले...' हे गाणं त्याने वाजवलयं. सध्या लॉकडाउनमध्ये राकेश त्याच्या या विविध आर्टमध्ये , बासुरी वाजवण्यात रमतोय.
