आज १ मे संपूर्ण महाराष्ट्रात महाराष्ट्र दिन उत्साहात साजरा केला जातो.या महाराष्ट्र दिनाचं औचित्य साधत खास मराठी सेलिब्रिटींनी मानवंदना दिली आहे. सध्या राज्यावर करोना संकट ओढवलंय. लॉकडाऊन काळ जाहीर करण्यात आला आहे. घराबाहेर पडण्यावर बंदी आहे, म्हणूनच प्रत्येक कलाकाराने आपापल्या घरातूनच ही मानवंदना दिली आहे. सोशल मिडीयावरुन हा खास व्हिडीओ शेअर करण्यात आला आहे.
हेमंत ढोमे याने या व्हिडीओचं दिग्दर्शन केलं आहे. सोनाली कुलकर्णी, सुमित राघवन, संजय जाधव, अनिकेत विश्वासराव, प्रार्थना बेहरे, लोकेश गुप्ते, शशांक केतकर, रसिका सुनिल, हेमंत ढोमे, सोनाली कुलकर्णी आदि कलकारांनी यात सहभाग घेतला आहे.
