संपूर्ण महाराष्ट्रात आणि मुंबईत दिवसेंदिवस करोना रुग्णांच्या संख्येत भर पडतेय. परिस्थिती गंभीर होत चालली आहे. हे गांभिर्य जाणून घेत प्रत्येकाने आहे तिथेच घरात थांबून सुरक्षित रहावं व करोनाचा प्रादुर्भाव रोखावा. देशभरात लॉकडाऊन काळ वाढवण्यात आला आहे.
प्रत्येकजण आपापल्या घरात सध्या कैद आहेत. काही ना कही उद्योग करतायत. सेलिब्रिटींचंसुध्दा तसंच सुरु आहे. घाडगे एन्ड सून फेम अमृता म्हमजेच अभिनेत्री भाग्यश्री लिमये ही सध्या घरी तिच्या पिल्लांची काळजी घेताना पाहायला मिळतेय.... ही पिल्लं म्हणजे गोड इवलीशी मांजरांची पिल्लं...नुकतीच जन्मलेली दिसतायत... त्यांना बाटलीने छान दूध पाजताना-आंजारताना-गोंजरताना आणि इतकंच नव्हे तर लाडिकपणे ओरडताना भाग्यश्री पाहायला मिळतेय...नुकताच मातृदिन साजरा झाला आणि त्या पार्श्वभूमीवर भाग्यश्रीच्या या अनोख्या सुपरक्युट व्हिडीओची खुप चर्चा रंगलीय.
चाहत्यांनी भाग्यश्रीने शेअर केलेल्या मांजरांच्या पिल्लांसोबतच्या या गोड व्हिडीओवर लाईक्स व कॉमेंट्सचा वर्षाव केला आहे.
