गुरुनाथची शोना, बेबी, बच्चा म्हणून घराघरांत पोहचलेली शनाया म्हणजेच अभिनेत्री रसिका सुनिल ही सोशल मिडीयाद्वारे नेहमीच चाहत्यांच्या संपर्कात असते. त्यात म्हणजे तिचे बोल्ड फोटो हे नेहमी चर्चेचा विषय ठरतात. पण नुकतंच रसिकाने साडीतील सुंदर व मनमोहक फोटो पोस्ट करत चाहत्यांना सुखद धक्का दिला आहे. चला, तर मग पाहूयात रसिकाच्या साडीतल्या या नखरेल अदा.
पर्पल शेडच्या रंगाच्या या सुंदर व सिंपल साडीवर बारीक स्ट्रीपचा ब्लॅक ब्लाऊजमध्ये रसिका खुपच सुंदर दिसतेय. रसिकाच्या या फोटोशूटवर चाहत्यांनी लाईक्स व कॉमेंट्सचा वर्षाव केला आहे.
नेहमी हॉट आणि बोल्ड अवतारात दिसणारी रसिका या सिंपल साडीत खुप गोड दिसतेय. तसंच त्यावर मोजकेच दागिने घातल्याने तिचं रुप खुललं आहे.
रसिकाने काही दिवसांपूर्वीच तिचा बिकनीतला बोल्ड फोटो पोस्ट करत नेटक-यांना चांगलीच तंबी दिली होती. "मला हे लिहावं लागतंय ते फार त्रासदायक आहे, तरी लिहते...अर्वाच्च्य व अश्लील कॉमेंट्सना इथे थारा मिळणार नाही..त्या डिलीट करण्यात तर येतीलच..आणि अकाऊंट रिपोर्टही करण्यात येईल," असं तिने आपल्या पोस्टमध्ये म्हटलं होतं.
