सध्या करोना संकटामुळे सर्व सेलिब्रिटी घरी आहेत व लॉकडाऊन नियमांचं पालन करत आहेत. तसंच चाहत्यांच्या सतत संपर्कात राहून त्यांच्याशी संवाद साधतायत. छंदात घरकामात वेळ रमवतायत. तर घरातूनच आपले विविध फोटोस काढून ते चाहत्यांपर्यंत पोहचवतायत. मराटी सिेनसृष्टीतील आघाडीची अभिनेत्री सई ताम्हणकरनेसुध्दा नुकताच एक सिंपल पण खुपच मस्त असा सेल्फी पोस्ट केला आहे.
सई ताम्हणकरचा हा नो मेकअप लुकमधला हा सेल्फीसुध्दा चाहत्यांना प्रचंड भावतो आहे. त्यामुळे नेहमीप्रमाणेच त्यांनी त्यावर कॉमेंट्स आणि लाईक्सचा वर्षाव सुरु केला आहे.
मीमी ह्या बॉलीवूड चित्रपटाचे शुटिंग करत असताना सईच्या डाव्या पायाला दुखापत झाली होती. त्यानंतर तिला डॉक्टरांनी एक महिना सक्त विश्रांतीचा सल्ला दिला होता. सई गेले काही दिवस आपले सर्व कार्यक्रम रद्द करून घरी विश्रांती घेत होती. परंतु लॉकडाऊनची घोषणा झाल्यावर तिने आपल्या प्लॅस्टर असलेल्या पायासोबतच महाराष्ट्राची हास्यजत्रा कार्यक्रमाचं शूटींग पूर्ण केलं होतं. त्यावरुनच तिची कामाप्रतिची निष्ठा स्पष्ट होते.
आता काही दिवसांपूर्वीचं सईचं पायाचं प्लॅस्टर काढण्यात आलं असून ती सध्या बरी आहे व घरीच होम वर्क आऊटलासुध्दा प्राधान्य देतेय.
