'लागीरं झालं जी’ या मालिकेतून लोकप्रिय झालेली जोडी अज्या आणि शितली महाराष्ट्राच्या घराघरांत पोहचले. कर्तव्यदक्ष सैनिक म्हणून सीमेवर लढणारा अजिंक्य हा पत्नी शितलीलासुध्दा जीवापाड जपायचा. अज्या साकारणारा अभिनेता म्हणजे नितिश चव्हाण हा खरंतर डान्सर आहे. डान्स म्हणजे त्याचा जीव की प्राण. त्याच्या डान्स व्हिडीओच्या अनेक नानाविवध स्टाईल त्याच्या इन्सस्टाग्रामवर पाहायला मिळतात.
सध्या लॉकडाऊनमुळे प्रत्येक जण आपले छंद जोपासतोय. हा मोकळा वेळ सरावासाठी व निरनिराळे प्रयोग करण्यासाठी सर्व सत्कारणी लावतायत. तसाच डान्सप्रेमी नितिशही हा वेळ विविध स्टाईलचे प्रयोग करतोय. नुकतंच नितिशने तेलुगू सुपरस्टार आणि डान्सर अल्लू अर्जुनसारखा हुबेहूब डान्स करत चाहत्यांना आश्चर्यांचा धक्काच दिला. त्याच्या व्हिडीओवर चाहत्यांकडून कौतुकाचा वर्षाव होतोय.
हा मराठीतला अल्लूअर्जुन सर्वांना भावतोय, त्यामुळे आता नितिशच्या आणखी डान्स व्हिडीओची चाहते प्रतिक्षेत असणार यात शंका नाही.
