करोना संकटामुळे लॉकडाऊन जाहीर करावा लागला आणि त्यामुळे सामान्यांपासून सेलिब्रिटींपर्यंत सर्वचजण घरी आहेत. मग काय मोकळा वेळ हातात मिळाल्यावर सेलिब्रिटींना काही वेगळं सांगायची अजिबातच गरज नाही व त्यातूनही दोघं पती-पत्नी हे कलाकारच असतील तर मग सोने पें सुहागाच ...व्हिडीओच काय फोटो काय सर्वांनाच उधाण येतं आणि चाहत्यांचंसुध्दा मस्त मनोरंजन होतं.
छोट्या पडद्यावरचं प्रसिध्द सेलिब्रिटी कपल खुशबू तावडे आणि संग्राम साळवी या दोघांनी नुकताच धम्माल टिक-टॉक व्हिडीओ केला आणि त्यावर चाहत्यांच्या तुफानी प्रतिक्रीया आल्या. लग्न झाल्यानंतर संसारात रमलेल्या पुरुषांची होणारी अवस्था मांडणा-या जब से हुई है शादी.... या प्रसिध्द गाण्यावर हा भन्नाट टिक-टॉक व्हिडीओ खुशबू आणि संग्रामने केला आहे. भांडी घासणा-या संग्रामला पाहून तुम्हीसुध्दा खळखळून हसाल. दोघांची जबरदस्त केमिस्ट्री या व्हिडीओत पाहायला मिळाली.
एकूणच हा व्हिडीओ पाहून संग्राम साळवी स्टाईलमध्ये म्हणावं लागेल, त्याने त्याचा सिग्नेचरवाला 'तुमच्यासाठी कायपण...'मोड ऑन केला आहे.
ख़ुशबू आणि संग्राम हे सेलिब्रिटी कपल सोशल मिडीयावर नेहमीच सक्रीय असतात व विविध -धम्माल मस्तीतले नटखट क्षण चाहत्यांसोबत शेअर करत असतात.
