मराठीतील सुप्रसिध्द गायक आणि संगीतकार राहुल देशपांडे यांच्यापेक्षा त्यांची लाडकी लेक रेणुका ही जास्त चर्चेत असते. आता तिची तुम्हाला वेगळी ओळख करुन द्यायची अजिबातच गरज नाही. रेणुका देशपांडे ही सोशल मिडीयावर प्रचंड व्हायरल होत असते ते तिच्या गोड आवाजाने आणि बाललीलांमुळे.
रेणुकाचा पुन्हा एकदा असाच एक सुपरक्युट व्हिडीओ तिचे बाबा राहुल देशपांडेनी सोशल मिडीयावर शेअर केला आहे. मोहे रंग दो लाल....हे गाणं रेणुका नुसती गातंच नाहीए तर त्यासोबत खुप लाडिक व गोड असे हावभाव करत अभिनयही करतेय, नेहमीप्रमाणेच या व्हिडीओवर चाहत्यांनी लाईक्स आणि कॉमेंट्सचा अक्षरश: वर्षाव केला आहे. त्यामुळे रसिकांना नेहमीच रेणुकाच्या क्युट व्हिडीओंची उत्सुकता लागुन राहिलेली असते, हेच दिसून येतं.
राहुल देशपांडे हे आजोबा आणि हिंदुस्तानी संगीत शैलीतील प्रसिध्द गायक डॉ.वसंतराव देशपांडे मोठ्या पडद्यावर साकारणार आहेत. 'मी वसंतराव' या सिनेमात राहुल देशपांडे वसंतरावांच्या भूमिकेत दिसणार आहे.हा सिनेमा लॉकडाऊन संपल्यानंतर रसिकांच्या भेटीला येईल.
