आज लॉकडाऊनमुळे सर्वांकडेच भरपूर वेळ आहे, आपसूकच कल्पनाशक्तीलासुध्दा भरपूर वाव मिळतोय. त्यात आपल्या मराठी कलाकारांच्या भन्नाट पोस्ट म्हणजे फुल ऑन एन्टरटेन्मेन्टचा डोस. अनेक कलाकारांसारखीच डॅशिंग अभिनेता संतोष जुवेकरने नुकतीच एक धम्माल पोस्ट इन्स्टाग्रामवर केली आहे. हेडलाईन वाचून तुम्हाला संत्या खरंच लंडनला निघाला की काय, असं वाटलं का?.....अहो, पण लॉकडाऊनमध्ये हे कसं शक्य होईल, हा प्रश्न सर्वांनाच सतावतोय.
पण तुम्हीसुध्दा संतोष जुवेकरची ही भन्नाट पोस्ट वाचून खळखळून हसणार यात शंका नाही. संतोषने मिश्कील भाषेत लिहलंय , "काल रात्री मलाना स्वप्न पडलं मी लंडनला निघालोय, airport ला check in करतोय....... तेवढ्यात जाग आली लगेच उठलो मास्क लावला sanitizer हातावर अंगावर स्प्रे केल आणि परत जाऊन झोपलो............ माझं विमान उडालं......... स्वप्नं to be continued........ Moral of the story - कुठेही बाहेर जायचं असेल अगदी स्वप्नात सुद्धा तरी safety first..... कळल?"
तोंडाला मास्क लावून झोपलेल्या संतोषची ही पोस्ट वाचून नेटक-यांमध्ये हास्यकल्लोळ सुुरु आहे. तर अनेकांनी लाईक करत या पोस्टवर तुफानी प्रतिक्रिया दिल्या आहेत. एकूणच काय पण सेलिब्रिटींच्या सोशल मिडीयावरील अशा भन्नाट पोस्टमुळे वातावरणं हलकं-फुलकं राहतं, दोन घटका का होईना आपण आजूबाजूच्या नकारात्मक गोष्टी विसरुन जातो.
