अभिनेता सुबोध भावे हा कलाकार प्रत्येक वयोगटातील प्रेक्षकांना आपलासा वाटतो. बच्चेकंपनीचाही हा आवडता मराठी कलाकार आहे. आणि याच बच्चेकंपनीसाठी सुबोध भावे गेल्या काही वर्षांपासून छान गोष्टी घेऊन येत असतो. ‘सुबोध दादाची गोष्ट’ ही सिरीज त्याने त्याच्या युट्यूब चॅनेलवर सुरु केली आहे. शिवाय तो सोशल मिडीयाच्या माध्यमातून त्याच्या छोट्या चाहत्यांसोबत संवादही साधतो. मग ही छोटी मंडळी सुबोधने दिलेल्या टास्क पूर्ण करून विविध व्हिडीओ त्याला पाठवतात.
यावेळी सुबोध भावेला चक्क सिंगापूरमधील एका चाहतीने व्हिडीओ पाठवला आहे. ही चिमुकली या व्हिडीओत लाकूडतोड्याची गोष्ट सांगताना दिसत आहे.
याविषयी सुबोध भावे त्याच्या पोस्टमध्ये लिहीतो की, “सुबोध दादाच्या गोष्टी केवळ भारतातच नाही तर जगभरातील माझ्या छोट्या बालमित्रांपर्यंत पोहोचत आहेत. आज खऱ्या ही सिंगापूर वरुन आलेली पोचपावती तुमच्यासमोर घेऊन आलोय. तुमच्या गोष्टी मला पाठवत रहा आणि माझ्या गोष्टी ऐकण्यासाठी माझा यूट्यूब चॅनेल नक्की सबस्क्राईब करा.”