केरळमध्ये अलीकडेच घडलेल्या घटनेने प्रत्येकाचंच मन सुन्न झालं आहे. केरळमध्ये एका गर्भवती हत्तीणीला फटाक्याने भरलेला अननस खायला दिल्याने मृत्यू झाल्याची घटना घडली आहे. गावातील स्थानिकांनीच हे कृत्य केल्याचं समजत आहे.
ही घटना व्हायरल होताच सर्व स्तरातून संताप व्यक्त केला जात आहे. मराठी सेलिब्रिटींनीही या विरोधात संताप व्यक्त केला आहे. पुजा सावंत, शशांक केतकर, सुयश टिळक, विक्रम फडणीस, भाग्यश्री लिमये या कलाकारांनी घटनेबाबत संताप व्यक्त केला आहे. सुयश टिळकने ‘आई आणि पिल्लासाठी न्याय’ अशा आशयाची पोस्ट शेअर केली आहे.
अभिनेता शशांक केतकरने ‘आम्ही माणूस म्हणवून घेण्यास लायक नाही, तुझ्या आत्म्यास शांती मिळो’. पुजा सावंतनेही त्या हत्तीणीचा फोटो शेअर करत श्रद्धांजली वाहिली आहे, या पोस्टमध्ये ती म्हणते, ‘आपण या धरतीच्या लायक नाही.’ तर अभिनेत्री भाग्यश्री लिमये ‘माणूस असण्याची लाज वाटत आहे.’ या घटनेवर सोशल मिडियातून चांगलाच संताप व्यक्त केला जात आहे.