नेहमीच आपल्या कल्पक विनोदबुध्दीने रसिकांची मनं जिंकणारा लाडका अभिनेता सुव्रत जोशीने त्याच्या लेटेस्ट पोस्टमधून एक जबरदस्त आयडिया सांगितलीय. तिसुध्दा रेकॉर्डिंगची, पण त्यासाठी त्याला प्रचंड घाम गाळावा लागला आहे. तुम्हाला वाटेल म्हणजे, नेमकं काय करावं लागतं....व्यायाम वगैराचे कठीण प्रकार असं काही आहे का...तर अजिबातच नाही. चक्क जाड रजई अंगावर पांघरुन त्याच्या आत रेकॉर्डिंग करा असं सुव्रत सांगतोय....नुसता सांगतच नाही तर त्याने तो प्रयोग यशस्वीसुध्दा केला आहे.

अनेकांना गाणी, कथा रेकॉर्ड करायच्या असतात. लॉकडाऊनमध्ये घरातील गडबड गोंधळाच्या वातावरणात ते अशक्य वाटतं. म्हणूनच सुव्रतची ही नामी शक्कल तुम्हालाही उपयोगी पडेल. 

 

 

 

 

View this post on Instagram

 

 

 

 

 

 

 

 

 

वाचनात warmth यावी म्हणून हे केलेले नाही! मी जे वाचतोय ते बॅन आहे म्हणून लपवून वाचतोय असंही नाही. मी काही वेडसर चाळे करतो पण त्यातील हा एक नव्हे! काही दिवसांपूर्वी मला @storytel.marathi नी आमच्यासाठी ऑडिओबुक करशील का असं विचारलं. पण रेकॉर्ड कसं करणार हा प्रश्न होता. खूप पूर्वी ही ट्रिक एका रेकॉर्डिस्ट मित्राने सांगितली होती. डोक्यावर जाड रजई घेऊन रेकॉर्ड करायचं. जाड रजई बाहेरून येणारे आवाज शोषून घेते आणि एक छोटा रेकॉर्डिंग स्टुडिओ तयार होतो (आणि एक छोटी भट्टीही)! अमेरिकेत राहणाऱ्या मराठी लेखिकेनी लिहिलेली अत्यंत तरल आणि आपल्या अनुभवविश्वाबाहेरची कथा आहे. "शटलकॉक" आता @storytel.marathi वर उपलब्ध आहे तेव्हा पटापटा ऐका. जाड रजई खाली ही कथा रेकॉर्ड करताना घाम गाळला आहे आणि मानही मोडली आहे...तेव्हा ऐका आणि कशी वाटली कळवा!

A post shared by Sula (@suvratjoshi) on Jun 29, 2020 at 10:38pm PDT