संत बाळूमामा यांच्या जीवनावर आधारित “बाळूमामाच्या नावानं चांगभलं” ही मालिका प्रेक्षकांच्या प्रचंड लाडक्या आहेत. या मालिकेमुळे संत बाळूमामा हे आता केवळ दक्षिण महाराष्ट्राचं दैवत नव्हे तर तमाम महाराष्ट्राचं श्रध्दास्थान बनलं आहे. अवघा महाराष्ट्र “बाळूमामाच्या नावानं चांगभलं” या जयघोषाने दुमदुमला. बाळूमामांच्या प्रपंच्याचा, त्यांच्या अपार प्रेमाचा, गोरगरिबांचा कैवार घेत त्यांच्या हितासाठी केलेल्या त्यागाचा, विलक्षण वैराग्याचा साक्षात्कार रसिकांना मालिकेतून घडत आहे. दिनदुबळ्यांचा कैवार घेणारे, गरीबांचे खरेखुरे प्रतिनिधित्व करणारे, भक्ताच्या हाकेला धावून जाणारे संत बाळूमामा, त्यांच्या अगाध लीलांची ही गाथा आहे.
या मालिकेत आता बाळूमामा आपल्या भक्तांची परीक्षा घेताना पाहायला मिळणार आहेत. तसंच त्यांच्या परीक्षेत त्यांचे भक्त कसे यशस्वी ठरणार हे पाहणं औत्सुक्याचं ठरेल.
बाळूमामा घेणार भक्ताची परीक्षा, हंडा खाली ठेवल्याने भैरूला मिळणार का शिक्षा? पाहा बाळूमामाच्या नावानं चांगभलं हि मालिका.
.jpg)
