.jpg)
आई कुठे काय करते या छोट्या पडद्यावरच्या लोकप्रिय मालिकेमध्ये गेल्या काही दिवसांपासून अनेक ट्विस्ट आणि टर्न्स येत आहेत. अखेर अनिरुध्द आणि अरुंधतीचा घटस्फोटही झालाय. अरुंधती देशमुखांचं घर सोडून गेल्याने सर्वचजण अरुंधतीच्या आठवणीत रमले आहेत, तिच्यातच नावाचा जप सुरुय. अशातच अरुंधतीचं एक ऑपरेशन होतं. त्यानंतरच्या विश्रांतीसाठी डोंबिवलीला आईकडे न जाता तिने बोरिवलीच्या तिच्या समृध्दी बंगल्यात यावं अशी सर्वांचीच इच्छा असते. आजी-आप्पा तर तिने इथेच यावं असा हट्टच करुन बसले आहेत आणि अखेर अरुंधती कोणाचही मन मोडू नये म्हणून विश्रांतीसाठी समृध्दी बंगल्यावर येते. पण नेहमीसारखा मीठाचा खडा पडतो. संजना तिथे येते आणि उर्मट अशा आवाजात अनिरुध्दला सर्वांसमोर आपल्या लग्नाची तारीख ठरलीय सांगते.
सर्वचजण अरुंधती अरुंधती करतायत आणि घटस्फोटानंतरसुध्दा हक्काने तिला घरी बोलावतायत हे पाहून संजनाने तडका-फडकी लग्नाची तारीख ठरवलीय. वरुन अरुंधतीची आपल्या लग्नाच्या तयारीत मदत होईल असा सणसणीत टोला तिला लगावतेय.
आाता अनिरुध्द आणि संजनाचं लग्न होणार का , या लग्नाला घरचे कोण उपस्थित रहाणार का, पुढे नेमकं काय घडणार हे मालिकेत पाहण्याची सर्वांना उत्सुकता आहे.
.jpg)
