झी मराठीवरील ‘कारभारी लयभारी’ या मालिकेने नुकताच प्रेक्षकांचा निरोप घेतला आहे. या मालिकेतील वीरु आणि पियुच्या जोडीने प्रेक्षकांच्या मनात घर केलं आहे. पण आता या मालिकेने प्रेक्षकांचा निरोप घेतला आहे.वीरु साकारणारा निखिल चव्हाण याने खास पोस्ट शेअर केली आहे. तो आपल्या पोस्टमध्ये म्हणतो, ‘२ नोव्हेंर २०२० संध्या ७.३० आम्ही दोघं तुमच्या भेटीला आलो होतो आणि २१ ऑगस्ट २०२१ ला ७.३० वाजता तुमचा निरोप घेतोय.
मालिकेच्या ह्या प्रवासात बरीच नाती जोडली गेली आता ती आयुष भर सोबत असणार आहेत. झी मराठी ने ह्या आधी फौजी अशी ओळख मला दिली होती आणि आता कारभारी अशी ओळख मिळाली आहे त्या बद्दल झी मराठी चा खूप आभारी आहे तसेच वाघोबा प्रॉडक्शन्स आणि तेजपाल वाघ चा हि शतशः आभारी आहे. विरु आणि पियु ला महाराष्ट्र च्या प्रेक्षकांचे खूप खूप आभार. तुमचं प्रेम असेच राहुदेत लवकरच तुमच्या भेटीला येऊ. बोललो तर बोललो!!’
.jpg)
